Cerita Lucu Bahasa Manado lawakan lucu

Cerita Ini tentunya untuk orang menado kalau saya jujur tidak tahu dan kurang begitu mengerti karena memangbukan dari sana tetapi semoga dengan hadirnya cerita lucu ini dapat sedikit menghibur agan dalam kegiatan yang penat di hari ini semoga bermanfaat kata kata lucunya.

mohon maaf saya juga ngak mengerti artinya hahahaha ehh iya jangan lupa baca juga Kata Kata Lucu Tentang Cinta Pantun Cinta Lucu

Cerita Manado Baku Tinggi Pangkat Papa
Ale : “Kita pe papa waktu taong 1975, depe pangkat so Mayor. Skarang, so Mayjen.”
Utu : “Ah..kalu kita pe Oom taong 1970 so Kolonel.”
Ale : “Berarti so Jendral skarang kang ?”
Utu : “Nyanda, so meninggal.”
Cerita : Brapa Liter

Suatu waktu, Kale pigi pa Oom Petu pe warong. Pas sampe dimuka warong.
Kale : “Oom Petu, bli roko dang…?”
Oom Petu : (acuh sambil ba ator jualan)
Kale : (deng suara yang sadiki keras) “Oom Petu…bli roko dang ?”
Oom Petu : (masih tetap acuh)
Kale : (bataria keras skali) “Oom petu….! Bli roko dang…!”
Oom Petu : (deng nada marah) “Eh..Kale, baku hormat sadiki deng orang tua, ngana pe kira kita pongo ? Brapa liter minya so ngana mo bli ?”
Kale
Cerita lucu Alo
Alo sampe di rumah  manangis
konk dp papa tanya
“kyapa ngana manangis..??”
Alo jawab ” masa kata dorang bilang mama sama deng bidadari”
(dp papa ta kage)
“kong kyapa ngana manangis dang mestinya ngana bangga
dorang bilang bagitu”
Alo jawab ulang
” mar masa kata bidadari kaweng deng babi utang”
(Alo p sebe nae darah)
pemai mana dorang….!!!!
wokwokwokwowkwokowkwok..
Cerita bahasa manado Baku Piara

KEKE : “Utu tempo apa dang ngana mo kaweng pa kita, so malo kita orang lia lia so ba tinggal deng ngana? Bulan Oktober jo neh !”
UTU : “Oh … nemboleh no! soalnya kita ada banya urusan dikantor bulan Oktober”
KEKE : “Kalo bagitu November jo dang.”
UTU : “Adoh… kasiang jo pa ngana….. November kita mo ada pelantikan kenaikan pangkat”
KEKE : “Oh kalo bagitu Desember jo neh… biar rame”
UTU : “December kua talalo rame karna hari Natal, sabar jo… nanti January taong datang”
KEKE : “Oh… jangan January bahaya… ngana mo geger otak…”
UTU : “Dari mana ngana tahu… tukang ramal so ngana?”
KEKE : “Kita bukan tukang ramal… maar kalo so’ bulan January kita mo beking picah deng botol ngana pe kapala…”
UTU : “!!/$@#?!!!”
Cerita lucu terbaru dari manado : Opa Deng Tomat
Di sekolah, Endi so terkenal lantaran amper tiap hari dia datang terlambat.
Kong suatu waktu lantaran so pasti Endi selalu terlambat maso, de pe Engku so jaga kong mo tanya apa lei depe alasan sampe dia terlambat maso skolah hari itu.
Engku : “Skarang apa lei ngana pe alasan terlambat maso sekolah pagi ini endi ?”
Endi : “Adoooh.., engku, kita pe keluarga ada musibah pagi ini.”
Engku : “Hmm… musibah apa ?”
Endi : “Tape Opa meninggal tadi pagi di kobong belakang”
Engku : “Ba apa so ngana pe Opa pagi-pagi di kobong ?”
Endi : “Tape mama ada suruh pete tomat for mo beking smokol, Eeeh.. tunggu-tunggu tape opa so nyanda muncul. Serta tape mama pi cek di kobong, tape Opa so kras di sei pohong tomat, kong tu tomat so ancor dia so tindis deng depe badan”
Engku : “Astagaaaaa….! Kong bagimana jo ngana pe mama waktu da lia ngana pe opa so dalam keadaan bagitu?”
Endi : “Mama langsung pigi di pasar ba beli tomat”
Engku : “???”
Cerita bahasa manado lucu : Keluarga Biongo

Disuatu desa tinggal seorang anak yang bernama alo dia hanya tinggal dengan opa dan omanya. Pada suatu siang alo baru pulang dari sekolah…..!!!
Alo : “Siang”
Opa : “Siang alo .alo sini dulu ngan opa m tanya!”
Alo : “Kiapa opa.?”
Opa : “Dari mana ngana?”
Alo : “Dari sekolah no opa masa nda lia ada pake seragam.!”
Opa : “Butul ngana dari sekolah kalo bagitu opa mau tes dulu pa ngana.!”
Alo : “Tes jo .!”
Opa : “Kalo 10×10 berapa dang? klo ngana dari sekolah paling ngana tau..!
Alo : “Ado opa talalu banyak kita pe tangan nyanda sampe m ba hitung, ado kita nintau..!
Opa : “Ngana memang bodok masa bagitu le nintau mulai besok ngana brenti jo sekolah bekeng abis doi jo ngana..!” (sambil marah-marah)
Alo : (sambil menangis) Oma napa opa ada ba marah pa kita..!
Oma : “Ado kasiang kiapa ngana mara-mara pa alo bru pulang sekolah le kasiang s dapa marah, kiapa le..?”
Opa : “Napa alo p biongo masa dari sekolah nintau 10×10, bekeng abis doi jo dia sekolah lebe bae berenti sekolah kong ba jual kukis pisang tau-tau dapa doi..”
Oma : “Kiapa ngana tau so kong rupa tu butul-butul ba marah pa alo?”
Opa : “Tau no nga kira kita biongo rupa alo..!”
Oma : “Brapa dang..?”
Opa : “20 no kiapa sooo..?
Cerita pendek lucu : Ungke Pelit Sama Opa

Suatu hari ungke deng opa ada baku janjin mau mamancing di laut karna ungke tako kelaparan, ungke bawa pisang goreng. Pas sampe di laut ungke pe pancing tagate di karang
Ungke : “Mau manyalam napa pisang goreng belum habis opa mw makang nanti, lantaran ungke pe pelit tu pisang goreng ungke bawa menyelam pas pe muncul di parahu
Opa : “Ungke, ngana dapa dimana tu pisang goreng”
Ungke : “Di bawa laut opa”
Opa : “Kalo bagitu opa mau menyelam mau cari tu pisang goreng”
Dengan semangat opa menyelam cari tu pisang goreng tiba-tiba opa pe kapala tatoki di karang jd opa nae dengan kepala berdarah
Ungke : “Opa pe kapala kenapa badarah”
Opa : “Io ungke, bagimana ungke pe pisang goreng belum di bayar sudah itu dorang dapukul pakita dibawa
Cerita Manado lucu : Ci dgn Ungke..

Suatu siang Ci(orang cina perempuan)baru klar bacuci baju(rok), Di rumah Ci juga ada piara burung yang baru abis ko(orang cina laki) kase mandi kong ada jemur, karna Ko senang dengar suara burung.
Waktu Ci mo tidor siang,dia pesan pa ungke yang kerja di rumah pa ci,
Ci : “Ungke ,,kalo somo ujang tolong angka akang ci pe rok kong kase maso itu burung.” (maksudnya biar nda kehujanan tu burung deng rok jemuran)
Ungke : “Iyo ci..”
Pas hujan..ungke langsung masuk pa ci pe kamar, Ci lagi da tidor kong ungke angka ci pe rok kong kase maso tu burung,sesuai perintah ci tadi, Ci kage bangun kong marah-marah,
Ci : “Ungke,,apa ngana da bekeng ini ?”
Ungke : “Ci bilang kalo somo ujang, angka ci pe rok kong kase maso tu burung.”
Ci : “Adooo ungke, bukan itu ta pe maksud..”
Karna ci le so rasa sadap,,ci sambung lagi
Ci : “Mar capat jo ungke, jang ko dapa riki
Cerita Mandado : Kase Maso Ulang

Pulang dari greja, om Utu pe dua mata bangka deng’ biru merah, sampe de pe istri kage skali…
Kong om Utu pe istri, tanta Mintje tanya “Utu, kiapa sampe bagitu tu’ mata ?”
Om Utu : “Tadi kwa di greja samantara manyanyi, tiba tiba ada cewek fasung maso deng rok pendek skali, maar de pe rok dang’, ada tamaso kadalam pa de pe panta, karna dia badiri pas pa kita pe muka, jadi kita hela akang de pe rok supaya rapi dang…, maar tu’ cewek malah ‘da tinju akang kamari ‘tu mata sablah kiri…”
Tanta Mintje : “Maar, kiapa ‘tu mata kanan bangka dang…?”
Om Utu : “Karna kita kira dia nyanda’ suka ‘da hela de pe rok, kong terpaksa kita kase maso ulang tu rok kadalang…, kong dia tinju tu mata sablah…”
Cerita Lucu : Partai ke 49

Utu deng Ola ada bacirita serius soal pemilu yang lalu.
Utu : “Eh..Ola..ngana tau nyandak, kalu sebenarnya jumlah partai yang mo iko pemilu kalamaring bukang cuma 48, maar ada 49. Cuma tu satu nyanda dapa kase izin iko pemilu”
Ola : “Apa so tu partai itu ?”
Utu : “Partai Perempuan Indonesia”
Ola : “Kiapa kasiang dorang nyanda dapa kase iko pemilu?”
Utu : “Dorang nyanda dapa kase iko lantaran dorang pe lambang partai”
Ola : “Apa so dorang pe lambang partai?”
Utu : “Tantu katu lambang parampuang noh..!”
Utu : “Untung panitia pemilu nyanda kase ijin for dorang mo iko pemilu, kalu nyanda, samua pemilih laki-laki pasti cuma suka mo cucu tu partai itu”
Ola : “Bicara lagi lei ngana ta lempar deng sloop…!”
Cerita Manado tentang : Anj1ng Pintar

Dua orang wewene sementara baku-ambe akang dorang pe anj1ng-anj1ng. Nyanda ada diantara dorang yang mo mengalah, karena masing-masing basombong akang dorang pe anj1ng-anj1ng.
Wewene A: “Kita pe anj1ng hebat sekali. Tiap pagi dia so tunggu tu tukang koran di muka pintu. Bagitu tu tukang korang datang, Blacky langsung ambe tu koran kong kase pakita yang sementara smokol di meja makang”.
Wewene B: “Kita komang so tau do’ itu…”
Wewene A: (kage jaha) “Hah? Darimana dang ngana tau?”
Wewene B: “Kita pe Anj1ng yang cirita…” (Rasa ngana…hehehe


TAG: Kata Kata Lucu Tentang Cinta

No comments:

Related Posts Plugin for WordPress, Blogger...